الكره مش طبعي
كتبهاmohamed eltedawy ، في 3 سبتمبر 2009 الساعة: 01:29 ص
———————————————
الكره مش طبعي
انا مش بكره حد با ريس
بس قول انا اكره مين
مين فينا بيكره مين
وحراسه بالملايين
مين فينا معاه مفتاح
يقفل علي الشعب سنين
مين فينا معاه الميه
ومين مغروز ف الطين
انا مش بكره حد يا ريس
بس قولي انا اكره مين
مين فينا ساكن في قصور
وسايب للتاني قبور
مين فينا بياكل لحمه
ومين فينا بتاكله نسور
مين فينا عايش ف الجنه
ومين مش لاقي جحور
انا مش بكره حد يا ريس
بس قولي انا اكره مين
بيقولوا الريس طيب
حواليه شلة اشرار
طيب والنعمه يا ريس
لنكمل المشوار
انتم يا شوية كفره
الريس مش غدار
شكرا معلومتك وصلت
وبكره ناخد بالتار
انا مش بكره حد يا ريس
بس قولي انا اكره مين
طيب لو هما الكفره
ريسهم يطلع مين
والناس الكفرانا من يومه
ريسهم يطلع مين
ريسهم أو ريسنا
مين حيفوز علي مين
مش بكره حد يا ريس
بس قولي انا اكره مين
عباره دويقه القطر
ميين قاتل مين مقتول
اشاره مكالمه وزاره
مين داخل مين معزول
خلافه رياسه وراثه
مين حامل مين محمول
مش بكره حد يا ريس
مش بكره حد يا ريس
كتبهاmohamed eltedawy، في 3 September 2009 01:28 AM———————————————
ـــــــــــــــــــــــــــــــــــــــــــــــــــــــــ
التصنيفات : غير مصنف | أرسل الإدراج | دوّن الإدراج
